బస్సు కోసం విద్యార్థుల ధర్నా...

రేమద్దుల గ్రామంలో  పాఠశాల, కళాశాల సమయంలో అదనపు బస్సు నడపాలని కోరుతూ 11.02.2019 ధర్నా నిర్వహించడం జరిగినది. చాలా మంది విద్యార్థులు ఉండడం వలన ఒక ప్రత్యేక బస్సు సౌకర్యం కల్పిస్తే వాళ్ళు సకాలంలో కళాశాల, పాఠశాలకు వెళ్లగలుతారు.

అభినవ శూరుడా....

'అభినవ శూరుడా ' అంటూ పాకిస్తాన్ అదుపులో ఉండి ఈరోజు స్వదేశానికి తిరిగి వచ్చిన భారత వాయుసేన వింగ్‌ కమాండర్‌ అభినందన్‌ ను తలుచుకుంటూ రాసిన కవిత. 
గోపాల శివ (S/O గోపాల మల్లయ్య )
 రేమద్దుల SSC 2005-06 బ్యాచ్ 
ప్రస్తుతం గోపాల శివ 99 టీవి హైదరాబాద్ హెడ్ ఆఫీసులో వీడియో జర్నలిస్ట్ గా పనిచేస్తున్నాడు.అభినవ శూరుడా !

వీరుడా అభినవ శూరుడా..
తోడేళ్ళ మందకు ఆహారం 
అవుతున్నావని తెలిసినా
అదరక బెదరక తలవంచక
సింహమై గర్జించిన నీ ధీరత్వానికి
యావత్ భారతం సలాం కొడుతోంది..

రాబందుల రాజ్యంలో
ఆ రాకాసుల చేతుల్లో
ముఖమంతా రుధిరంతో
బతుకును పణంగా పెట్టి
జైహింద్ అన్న నీ పరాక్రమానికి 
అశేతు హిమాచలం 
మంచు వర్షం కురిపిస్తోంది

భారతమ్మ బిడ్డల నుదుట 
సింధూరాన్ని తుడిపేసిన
విషనాగుల చెరలో నీవున్నా

మొక్కవోని ధైర్య సాహసంతో
సవాల్ విసిరిన నీ పరాక్రమం
120 కోట్ల అభిమానుల 
గుండె చప్పుడై మారుమోగుతోంది.

సింహం ఎక్కడున్నా సింహమేరా
ఈ కళ్ళల్లో మండుతున్న అగ్ని ధాటికి
మీ అరాచక శక్తులు బూడిద కాక తప్పదురా..

శత్రువులకు దడపుట్టించి 
మాతృభూమికి తిరిగివస్తున్న
వీరుడా వందనం..
ధీరుడా అభివందనం...🙏
జై హింద్ జై జవాన్ జై జై జవాన్ 

పరువు హత్యలెందుకు ?...

పరువు హత్యలెందుకు?... అంటూ సమాజంలో పరువు హత్యలెందుకు జరుగుతున్నాయి అంటూ ప్రశ్నిస్తూ, అంబేద్కర్, పూలే లాంటి మహనీయుల చిత్ర పటాలకు దండలు వేయడమే కాదు వారి ఆశయాలకు అణువుగా నడుచుకోవాలని ఆర్టికల్ రాశాడు. 
విజయ్ ఆత్మకూరి (S/O కోదండ రాములు)
రేమద్దుల SSC -2001-2002 బ్యాచ్ 

విజయ్‌ కుమార్‌ శెట్టి గారికి అశ్రూనివాలి...

కీ.శే, వీర భద్రయ శెట్టి కుమారుడు
విజయ్‌ కుమార్‌ శెట్టి గారికి
అశ్రూనివాలి  13.02.2017

పెండ్లి లో కలసిన స్కూల్ జ్ఙాపకాలు...

రేమద్దుల గ్రామ వాస్తవ్యులు పి. వెంకటస్వామి కుతూరు పెండ్లి 
సందర్బంగా 28.02.2016 న తాళ్లగడ్డ లో(జానంపేట్ దగ్గర )
దిగిన 1991-1992 బ్యాచ్ ఫొటోలు ...

ఉపాధి పనుల వద్ద సౌకర్యాలు కల్పించాలి...

ఉపాధి పనులు జరిగే చోట కూలీలకు కనీస సౌకర్యాలు కల్పించాలని 
రేమద్దుల ఎంపీటీసీ వేణుగోపాల్ గారు డిమాండ్ చేశారు...

భగత్‌సింగ్‌ ఒక గొప్ప వీరుడు...

రేమద్దుల లో మార్చ్ 23 న యువ నాయకులు,  యువకులు భగత్ సింగ్ విగ్రహానికి పుష్పగుచ్ఛము వేసి జోహార్లు అర్పించారు.స్వాతంత్య్ర సమరయోధులు భగత్ సింగ్, సుఖఃదేవ్, రాజగురులు దేశం కోసం అమరులైన రోజున అమరవీరుల దినం జరుపుకోవడం జరిగినది. భగత్‌సింగ్‌ 23 ఏళ్ళకే దేశ స్వాతంత్య్రం కోసం ఉరి కంభం ఎక్కిన త్యాగశీలురు. భగత్‌సింగ్‌ ఒక గొప్ప వీరుడుగా, సాహసిగా, ధైర్యవంతుడుగా బాగా సుపరిచితుడయ్యారు. 'ఇంక్విలాబ్‌-జిందాబాద్‌' అని వారు ఇచ్చిన నినాదం యావత్‌ జాతికి స్ఫూర్తిదాయకంగా మారి సామ్రాజ్యవాదులను గడగడ లాడించాయి.  వారి స్ఫూర్తితో సార్వభౌమాధికారం, జాతీయ సమైక్యత,  మానవత్వం, మత సామరస్యం కోసం పాటుపడాలనే చైతన్యాన్ని యువతలో పెంపొందించాలి.